陳潔儀瞞聲帶手術費事博同情
新加坡歌手陳潔儀（Kit）昨日現身香港為六月中的《「著迷˙陳潔儀」演唱會2016－－香港站》舉行記者會，穿上一襲紅色透視長裙的她透出內裏黑bra，一出場即被司儀笑是「紅色暴乳（雨）」，跟昨日天氣十分應景。一眾好友亦有拍片祝賀Kit開騷，包括陳奕迅、古巨基、韓紅、林保怡、林俊傑及孫燕姿等。
Kit在台上自爆參加內地歌唱節目《我是歌手3》前曾有大半年時間失蹤：「參加節目前，我有成大半年冇演出，因為我聲帶有事，開刀做咗手術。之後有個咁大嘅舞台，所以想試吓，希望可以唱歌畀更多人聽，企番上個台係個好大嘅挑戰，後來被foul都開心，因為係個見證，亦贏咗好多掌聲。」
咳損聲帶
受訪時，她透露在2014年2月開始發現聲帶有異樣：「有啲嘢控制唔到，有啲音亦冇聲，所以去睇醫生，原來係胃酸倒流，有好多痰，咳到損咗，真係好冤枉。」她表示拖到7月終做手術，而12月就要開始做《我是歌手3》：「所以嗰陣我都逼自己練番把聲。（大家戥你輸咗唔抵？）我嗰陣唔想講出嚟，就係唔想博加分或同情。」
至於演唱會，Kit透露這是她在香港的首個個人演唱會，屆時會以歌會友，亦會有驚喜給大家：「到時我會唱一首瑪麗蓮夢露嘅歌。（會唔會作性感打扮？）到時嚟睇就知。」
她表示有跟《妙手仁心》舊拍檔林保怡保持聯絡，問到可有興趣再拍劇？她坦言都有興趣：「但啲時間難頂，尤其是自從聲帶有事，過咗40歲要保重同錫住身體。」
文：音樂組
攝：唐豁莊