《玄學星相》：超蓮命中注定搵大男人

《東網巨星》娛樂節目《玄學星相》播出後反應熱烈，深受觀眾歡迎。最新一集就由堪輿學家陳定幫，以玄學角度全面分析賭王三房千金何超蓮的感情運！超蓮去年與台灣歌手吳克羣結束4年情，陳定幫指她去年的確不利感情運：「超蓮個八字係『自坐七殺』，即係最好搵番大佢五至七年，或者甚至十年以上嘅男人，先會夾佢多啲，佢緣分會同年紀極端啲嘅人一齊。佢舊年24歲，個運唔太利感情，呢個運叫做『比肩運』，所以嗰一年會較易出現競爭對手。」此外，超蓮最近與台灣型男柯震東傳緋聞，陳定幫亦表示她適合異地戀。

屬賢妻良母

陳定幫亦睇好超蓮將來的感情運，因為超蓮絕對是一名賢妻良母，他分析：「佢本身都係一個唔錯嘅女仔，所以結婚後都係一個唔錯嘅太太。因為佢細心，每樣嘢都體貼入微，但記住唔好激嬲佢，或者令佢有任何差嘅感覺，否則佢自己會愈諗愈亂。」至於超蓮幾時結婚？陳定幫推測：「佢30歲都有機會結婚，即係呢五年入面，去到2018年佢可能已經談婚論嫁，或者係遇到佢嘅真命天子。」想繼續聽師傅點講？只要click入《東網巨星》的「視娛樂」，睇《玄學星相》就更啱feel！

陳定幫批超蓮的八字屬「自坐七殺」，適合與年紀較大的男士發展戀情。	超蓮去年的感情運麻麻，並與吳克羣結束４年情。（資料圖片）	超蓮染了粉紅色頭髮，慶祝25歲生日。

染髮賀25歲

另外，超蓮前日踏入25歲生日，她昨日在Instagram透露已染了一頭粉紅色頭髮，送給自己作生日禮物。而出名人緣好的她早幾日已獲好友大搞「全女班」生日派對，先見她與朋友着上昔日校服開P，更被嘲「踏入中女行列」，不過超蓮心情未受影響，與朋友飛到韓國慶生，更穿上韓服拍片大跳民族舞！至於超蓮的龍鳳胎細佬何猷啟，同樣在前日踏入25歲，他亦在Instagram透露「全男班」飛到蘇梅島旅行，更成班男仔一字排開晒肌肉！

【 http://goo.gl/WF811J 】

文：專案組