劉家豪回巢同曾勵珍冇拗撬

無綫戲劇總監（合拍）劉家豪昨日到將軍澳電視城出席「2016年上半年度傑出員工頒獎典禮」，身為「金牌監製」的他被問何時會有新作品？他說：「啱啱返嚟公司，依家組織緊人手，嚟緊會開兩套四十集劇集，一套係時裝劇《溏心風暴3》，另一套係古裝劇《深宮計》，依家都係寫緊劇本，預計都要七、八個月之後先會開工。（原有演員拍攝？）大部分係，但係有啲藝員又離開咗，都要提攜新人。（回巢後同曾勵珍平起平坐？）唔好講呢啲啦，大家都係想提高個水準，拍好啲劇，唔應該去比較，珍姐都好努力。」