羅孝勇搵緋聞女友拍片
歌手羅孝勇最近被指搭上育有一女的模特兒王丹妮（Louise），有讀者爆料指二人於旺角公園拍拖跑步，又指他們早前在社交平台上載各自為對方拍攝的短片。
羅孝勇昨日接受本報訪問時承認為Louise拍片：「佢段片係我幫手拍，因為我冇咩拍嘢經驗。我近期會做啲production，我會搵不同朋友拍吓嘢。（佢幫手做你model？）佢都有嘢要搵人幫，又知我近排學拍片。」對於屢次被傳相戀，他謂：「我今年會focus喺工作。（唔會同佢拍拖？）我只能講今年會focus喺工作。（目前單身？）係呀！」
