黃宗澤娶翠如咀到噴血
黃宗澤（Bosco）與黃翠如昨日拍攝新劇《幕後玩家》的結婚戲份，劇情交代二人宣讀誓詞、情深一吻後，Bosco突然吐血暈到。見Bosco宣讀誓詞時頻食螺絲，兩人情深一吻僅以蜻蜓點水式完成，狀似尷尬。監製陳維冠見狀即要求他們kiss時要停頓片刻，最終NG五次才完成。
翠如受訪時死撐拍咀嘴戲沒有尷尬：「我哋作為演員好專業嘅。（冇同男友蕭正楠備案？）之前同Bosco有場仲勁，係我從影以來最大膽，我隻腳要擺去Bosco度，佢仲教我張隻腳放邊冇咁辛苦。」Bosco亦謂：「拍嘢嘛！備咩案先？（你個日模女友JUN呀！）佢喺日本，唔好成日問住晒啦！畀啲空間人。」
感情關係複雜
之前翠如於劇中曾為蕭正楠（Edwin）穿過四次婚紗，如今又與Bosco結婚，被取笑劇中感情關係複雜，翠如笑謂：「搞到我都好亂呀，角色講我本身同Edwin先，後來先同Bosco，佢今日吐血未死得嘅。其實呢套劇着咗五次婚紗夠晒恐懼，已經唔想再着，好煩！」被問新郎不是Edwin有何感覺？翠如即扯開話題：「本來諗住喺紅色警告下拍呢場戲好淒美，但拍嗰時又冇雨。」
對於同劇演員葉凱茵年初因突發性妊娠毒血症被迫墮胎，Bosco表示與她不熟落，但希望對方一切安好。翠如亦稱未有於對方面前提起不快事，最重要是繼續開心過日子。
文：影視組