嘉穎維護陳凱琳：識寫自己名好叻

無綫劇集《殭》演員鄭嘉穎、謝安琪（Kay）、陳凱琳（Grace）、陳嘉寶、劉佩玥、陳瀅、陸永等昨晚晒冷宣傳，即場公布網民投票選出《殭》的「最like人氣女神」，由陳嘉寶奪得，她在台上笑謂：「冇咩幾可攞到獎。」

未送母親節禮物

嘉穎與Grace之前宣傳時不願一齊受訪，但昨晚卻再次合體。嘉穎笑說：「唔係唔肯，其他演員都好努力，唔想個焦點喺呢度啫。今次最後一次宣傳，你哋話要一齊咪一齊訪問囉。」對於Grace在節目《星星探親團》中竟然不懂寫男友中文名，陳凱琳搶着說：「我依家識寫，有進步係好事。」嘉穎則謂：「佢五歲已經移民，識寫自己個名已經好叻。」問嘉穎買了甚麼禮物送給Grace媽媽？Grace說：「嘉穎平時見到鍾意嘅會買畀我媽咪，今次未睇啱冇特登買。」

陳凱琳晒白滑玉背。	謝安琪（左起）、陳瀅及陳凱琳均指《殭》結局很精彩。	有陳嘉寶「挨」實，陸永個樣勁爽。

Kay怕被笑假大胸

首次拍劇的Kay演技近期被網友大讚，她開心地說：「角色初頭低低能能，其實係鋪排，經過一個心酸階段，有人鼓勵係開心。（老公張繼聰有冇讚﹖）佢好好，收工凌晨四、五點都上myTV睇，話我第一次拍劇表現已經好好。（再拍劇﹖）同劇演員都想再合作，自己平常心，依家休息緊。」對於劇中激凸身材被網民關注，Kay笑說：「拍劇之前都買咗啲承托力好啲嘅Bra Bra，因為有好多要跑、要打嘅戲，想佢整齊啲，跑起嚟唔好向左走向右走，畀人話假大胸就得啖笑。」

文：影視組