戚黛黛宣布同機師男友訂婚

戚黛黛接受機師男友求婚，並大晒求婚鑽戒。

問到男友有何求婚感言？黛黛透露：「講咗幾句英文，話大家識咗四年，跟住就『Do You Marry Me？』！自己都好快應承，又問番佢點解講咁少，男友話大家都好眼淺，驚講太多嘢會喊，到時喊到妝都溶！男友唔係好浪漫嘅人，估唔到佢做咁浪漫嘅嘢，覺得好驚喜！」

擺烏龍戴錯手指

黛黛又笑言男友認為安排上有不足之處：「佢話原本求婚係食完飯後，點知職員中段殺出嚟，唔止我、佢都好驚訝，覺得鋪排唔夠完美。」二人更烏龍地將求婚戒指戴在無名指上：「我哋唔知戴邊隻，後尾send咗畀屋企人睇，佢哋話點解唔係戴喺中指，諗番都好好笑。（幾時結婚？）未咁快，要同屋企人商量，安排吓先！（認定咗對方？）OK嘅，男友好錫我同屋企人，同我屋企人相處到都好重要。」

放大圖片	身在峇里的戚黛黛（右）與男友（左）在當地學煮餸。	戚黛黛的男友在沙灘浪漫求婚。