As One雷聲嘈到冇覺瞓
女子組合As One昨日出席電台訪問，出門時遇着黃雨再變紅雨警告，四女表示幸好行程未有受阻，隊長Shin呻整晚被打雷聲搞到「冇覺好瞓」。說到新歌《Hey Ya!》，原來早於半年前已製作完成，但當時Shin要去韓國參加選秀節目而抽起，問到三女可有嬲Shin？三女說：「唔會，反而因為Shin嘅關係幫咗As One好大人氣，係我哋嘅光榮。」
至於新歌有出韓文版，問到可會到韓國宣傳？四女謂：「未必會。（唔怕好快被韓國歌迷忘記？）嗰邊競爭好大，一年有幾百個女團，真正留得低都係得幾團，我哋好明白，所以都係留喺香港做好啲先啦。」