星媽楊思琦謝安琪冇畀仔女返學
星媽楊思琦、周家蔚與謝安琪都有在學的子女，對於昨晨教育局未能即時通知停課安排，都感到相當困擾。身為單親媽咪、兼顧家庭與工作的思琦表示：「自己要出去做嘢，又要幫囡囡準備早餐先返到工，如果可以盡早通知會好啲。自己評估掛得紅雨有一定危險，所以冇畀佢返學。」
謝安琪則笑說：「果斷決定咗，未宣布時大埔就好大雨，叫囝囝唔好出門，終於畀我等到（紅雨），如果返咗學就慘慘豬啦！」休假中的她相當享受做全職家長，笑言興趣是「蒲學校」。
而周家蔚亦認為應盡早作出安排：「起碼7點，聽到有啲家長大住肚都要接送小朋友，自己冇受影響，因為係校車嘅最後一站，車未到就停咗課。」