祝福阿妹換拖友莊思敏：咪再翻撻！
莊思敏（Jacquelin）對於胞妹莊思明被拍到與楊明拍拖，Jacquelin昨日接受電話訪問時表現驚訝，她說：「吓，我唔知道。我知道佢係同陳司翰分咗手。（戥阿妹高興？）如果真係拍拖都會戥佢開心，我要問咗佢係咪先。」
提到楊明為人頗為火爆，Jacquelin直言雖然認識對方，但從未合作過：「我唔係咁清楚佢為人喎，我見佢個樣好似幾乖仔咁。」不過對於胞妹與陳司翰幾次復合，今次終於另覓男友，她笑言﹕「希望佢哋（莊思明與陳司翰）唔好再一齊。」講到明不想他倆再翻撻！至於陳司翰回復單身，記者求證其姊陳慧琳，惟截稿前未獲回覆。