張秀文打機14粒鐘唔食唔屙

無綫新一代咪神張秀文昨日穿上Tube Dress出席電玩宣傳,同場有網路紅人林慧韡(達哥),張秀文笑言見到達哥會想起蔡思貝:「但我覺得佢似木村拓哉多過似達哥。」性感示人的她指酬勞是「正常價」,又自爆愛打機:「試過媽咪唔喺屋企,打13、14個鐘,唔使食、飲、去廁所!」

提到日前被本報拍得身材逼爆去Shopping,張秀文謂當日與久未見面的朋友食下午茶,故「扮靚啲」,談到被讚似謝安琪,她即說:「我有留意佢喺《殭》嘅演出,佢喊戲同激動戲都做得好好,唔敢同女神相提並論,我最多只係『女神0.1』。」