更生歌手韓梓亮fb留死亡預告

現年24歲的韓梓亮（TL）三年前因跟男同志肛交後再勒索對方，被判罪成入獄26個月，近月改名（曾名為梁迪斯、梁家進及梁柏廷）後，上月底舉行以「自白」為主題的新歌《反省》發布會，公開宣布再闖樂壇：「依家信咗主會慢慢將心態正面番去面對。」惟昨日他突然在facebook留「死亡預告」：「希望奇迹出現，只剩下兩日生命。」翻查他之前的博文，曾留言：「本人無力再撐，不做歌手、不做人、無助、消失。」似早有自殺傾向，他亦曾發出「求助」訊息，令人擔心。

自資36萬追夢被蹺起

記者昨日聯絡TL，他在電話中解釋「想死」原因，表示之前簽經理人並自資14萬製作2首新歌當歌手，但成績差強人意，故跟經理人解約，再投資20萬成立新公司再續星夢，可是本來口頭答應擲6位數字合作的友人，以其負面新聞太多而「縮沙」，令他經濟及事業陷困局。TL說：「連埋製作第三首新歌嗰2萬，前後我畀咗36萬出嚟，依然個partner唔玩就一鑊蹺起，冇資金所有嘢要停，前功盡廢。」

網友打氣給正能量

問到為何說「兩日後生命就結束」？TL直言：「因為我借咗『大耳窿』8萬蚊嚟營運公司，兩日後就到期還錢，partner冇咗，邊有錢？我好努力捱日子，但點解啲人咁對我？我想吊頸死！」TL又說除了唱片工作要停，開業十幾日的時裝店或要「關門大吉」：「冇錢入貨，下月租金都成問題。」自爆在單親家庭長大的他，跟母親及姐弟關係疏離，更聲稱：「細個時媽咪成日虐打我，只會 叫我做『乞兒』、『賤種』。」記者到訪他經營的時裝店，他自稱疑有抑鬱症狀，但「想死」留言一出後，收到不少網民及朋友支持，令他充滿正能量，現已打消自殺念頭。

文：音樂組