劉嘉玲展覽33年珍品分享演藝路
前晚劉嘉玲現身莫內畫展，自爆兩年前在上海畫展中被其畫作深深吸引，更為此遠赴其法國故居朝聖。雖然謙稱買不起對方作品，但嘉玲也有不少個人收藏，並有意開個人物品展覽，與眾分享其入行點滴。
女星劉嘉玲前晚出席法國五月舉辦的香港首個莫內名畫展暨慈善晚宴，同場還有汪詩詩與母親及表妹湛琪清、名模Jocelyn與老公Anthony、名模周汶錡與丈夫、法國五月董事會主席阮偉文、溥儀眼鏡老闆邱子傑夫婦、鄺美雲等，場面熱鬧。
嘉玲自爆是莫內畫迷，兩年前因鄭裕彤長孫兼文化企業家鄭志剛，運了五十多幅莫內畫作在上海展出，令她看完後為之着迷，其後更到法國參觀莫內故居。她大讚莫內對藝術的堅持使其畫作令人如此難忘，問到有否收藏對方作品，她說：「我收藏唔起，太貴，所以要嚟博物館睇，一個出名嘅藝術家唔應該用錢去衡量。」
收藏大批旗袍戲服
雖然謙稱買不起莫內作品，但嘉玲也有收藏現代畫作、雕塑、古董首飾等，問她可有考慮為收藏品開展覽？她說：「夠量先。其實都好，我80年代嚟香港買咗好多衫同物品，都係記錄咗我嘅故事，可以同大家分享吓。計計吓都入咗行33年，我有幾個倉放嘢，好多衫同晚裝好靚唔捨得丟，戲服就比較少，但我都『打劫』咗幾套旗袍，係電影《2046》同《阿飛正傳》嘅戲服，因為我同套戲嘅美指張叔平熟先『打劫』到。」
汪詩詩細仔送禮券
至於身為人女兼人母的汪詩詩，被問到母親節將如何慶祝？她稱要與妹妹汪圓圓商量，至於一對子女會否親手製作禮物給她？她說：「未知，不過我生日佢哋都有自製禮物畀我，大女送咗自己整嘅電話殼，細仔送咗疊紙畀我，我以為係垃圾，上面寫住洗碗、做功課，原來係禮券，我可以叫佢做嘢，我話想要錫一啖，佢話即刻加番。」
印象派創始人 莫內（Claude Monet，1840-1926）Profile
法國印象派畫家代表人物及創始人之一
印象派名字源於莫內1874年的畫作《印象．日出》
著名風景畫家，擅長以色彩描繪景象光影變化。
1919年創作的《睡蓮池塘》（Water Lily Pond），在2008年倫敦拍賣會上以逾8,000萬美元成交，成為目前拍賣價最高作品。
文：名人組