傷上加傷！林峯個唱撼頭 嚇親粉絲

林峯澄清冇撞親，粉絲唔使擔心！

昨日有讀者爆料指在前晚個唱中，林峯「黑仔」撞傷頭！在讀者提供的短片中，林峯正在跳唱歌曲《One More Time》，赤裸上身的他大騷肌肉，引起全場粉絲連連尖叫。其後，背對鏡頭的他落台換衫時，頭部疑撞到鐵欄，讀者更指聽到他撼頭時發出「嘭」一聲。林峯受傷「One More Time」，令不少粉絲相當心痛！

林峯透過經理人向本報澄清前晚未有受傷，他說：「冇撞親，如果我自己撞親，我自己會唔知咩？冇啲咁嘅事！」其經理人亦解釋指片中所見只是錯覺：「其實林峯高過個台，所以佢要耷低頭落台，再加上塊板又chok一chok，所以大家先有錯覺啫！」其實，林峯演繹歌曲《One More Time》時可謂一波三折，他的耳機曾一度失靈，全場靜音接近一分鐘，需要工作人員上台解救。

讀者指林峯（箭嘴示）落台時不慎頭撞鐵欄。	林峯再升上高空見山頂觀眾。	蔡卓妍（左）相約容祖兒撐林峯開騷。