何韻詩父撐女打得獨遊OK

黎明的4D演唱會旁邊有個小型市集,記者昨日發現鄭希怡抱着愛女梁浸浸來閒逛,檔主之一的何韻詩就未有現身,由其父親(菇爸)為她睇檔,而她的攤檔就有售賣服裝、CD等物件。問到阿詩為何不在?菇爸說:「佢鍾意嚟就嚟,我就日日都有嚟,鬼叫我係佢老竇咩!」又指攤位生意不錯。

提到阿詩日前在網上自爆一個人到芬蘭旅行,於民宿險被性侵一事,菇爸認為女兒最後能平安回來就好,又坦言不會因此而阻止女兒單獨去旅行:「佢識處理喇,佢係空手道藍帶!呢個世界咩都會發生,行出街都會畀車撞死。」