歌手岑日珈的北京犬「麵包」被咬傷至眼部凸出，需要進行手術。其實如果主人遇到同樣情況，原來能夠在見獸醫之前，即時進行急救，獸醫黎昌生表示：「可以開啲暖水，加少少糖，將毛巾浸落去，之後用毛巾包住隻眼，之後輕力撳番隻眼落去，因為如果完全唔急救，眼部神經好容易喺中途甩開。」
此外他又指北京犬天生眼部較凸出，較易受傷，所以應事先進行手術避免。而「麵包」今次受傷，日後或會出現後遺症：「可能會出現斜視、鬥雞眼等後遺症，如果隻眼有發炎徵狀，最後就需要切除。」