陳君宜爆老公「鹹濕嘢」招呼名畑俊孝

名媛陳君宜投資的點心餐廳昨日舉行活動，其他兩位股東、曾傳不和的藝人苟芸慧和莊思敏均沒有出席，莊思敏由胞妹莊思明做代表。陳君宜與富商老公鄭躬明更帶同兒子鄭嵐升到場，她透露是次重金禮聘日本卡通醜比頭的作者名畑俊孝在中環店內舉行簽名會：「佢哋一行五人，包晒所有嘢都要六位數，尋晚同佢去咗鯉魚門食海鮮，之前有問過佢鍾意啲乜，佢話自己係宅男，夜晚九點就瞓，但見到真人，覺得佢幾搞笑，我老公好鍾意講廢話，同佢講啲鹹濕嘢，佢又好開心！佢有問我香港多唔多人鍾意佢嘅卡通，佢都好緊張，仲叫我教佢幾句廣東話打招呼。」