陳茵媺誕下小公主，昨日在老公陪同下出院，好姊妹李施嬅受訪時說：「我啱啱喺馬來西亞做完嘢返嚟，本來出發前想去探吓Aimee，但就唔到時間，返到嚟知道佢已經生咗，有3個小朋友真係好圓滿！（打算送咩禮物？）都係衫仔，之後會成班人一齊探佢。」
至於Aimee的「契哥」麥長青接受訪問時坦言早前與家人去日本旅行時已買定靚衫仔，打算送給BB做禮物，問到會否探望Aimee及B女？他說：「我有嘢做，未必去住，祝BB健健康康、快高長大、開開心心，一家五口都幸幸福福！（有冇聽過佢哋話會再生？）生唔生就睇佢哋喇！我自己就好鍾意小朋友。」
