美瑾激凸 老公係咁摸

荷里活女星美瑾霍絲（Megan Fox）與老公Brian Austin Green去年8月嗌離婚，點知近日已經拖番手仔行沙灘，正式復合！美瑾與Brian上周六到夏威夷度假，換上比堅尼的她已明顯見肚，Cup數更加洶湧！全程笑到見牙唔見眼的Brian不時伸手摸美瑾個肚，似為再做老竇甚感興奮！兩人咁鬼恩愛，難怪有傳已經停辦離婚手續。據知，美瑾與Brian搞離婚期間，經常為兩名兒子而見面，搞搞吓離婚變搞「其他嘢」，直至兩星期前爆出再度懷孕的消息，Brian開心承認係「經手人」。