Kay貼地賢妻全職接老公
暫別幕前的謝安琪（Kay），昨日在活動中再宣告自己歸隱，貼地擔任賢妻良母兼孝順女，還多謝老公張繼聰維護她！同場的鄭嘉穎自爆倣效元華的髮型造型，自嘲並非五百年冇洗頭：「五百年前邊有gel啫，我用gel o架！」
無綫劇集《殭》的演員謝安琪（Kay）、鄭嘉穎、陳凱琳（Grace）、陳嘉寶、賴慰玲等昨日為劇集宣傳，黃又南在拗手瓜遊戲中刻意敗給陳瀅，果然憐香惜玉！
做「歸隱」孝順女
Kay在活動上指《殭》反應好，對於被本報連日紀錄她休息的經過，她向記者予以致謝：「不過我已經歸隱田園，我依家好貼地，同啲朋友去食飯、同親戚去長洲，辛苦佢哋跟咗我幾日！」日前其夫張繼聰就Kay被網民批評，Man爆護妻鋪文反擊，對此，Kay冧爆說：「佢好少咁回應，佢支持我，覺得點解要針對我？係個保護心態，我好多謝佢！」又對所有批評者致謝：「因為觀眾選擇咗去睇，所以無論點都多謝，因為有睇先會去留意。」
Kay又透露「歸隱」期間會擔任賢妻良母，為家人提供健康飲食外，更會倣效陸永太太接老公收工，又說以做孝順女為目標：「我會化身司機同導遊，帶父母重回兒時旅遊舊地。」
陳凱琳唔逼男友
而嘉穎昨日與陸永齊齊倒米笑言不滿收視，嘉穎自爆母親並不受落：「佢話咁多血嘅？又咬人嘅？」不過他倆其實都希望能有更多人收看劇集，嘉穎還自爆有倣效元華造型，自嘲並非五百年冇洗過頭：「五百年前邊有gel啫，我用gel o架嘛！最多話幾十年冇洗，咁就合理喇！」提到他最近與Grace返教會，他說主要是為了更了解女友的信仰。Grace則體貼地說不會強迫嘉穎返教會，問她需不需要嘉穎受浸才結婚？她說：「冇諗到咁長遠喎，都係初步了解我嘅信仰。（悶親佢？）咁又冇，佢都好有興趣。」
提到無綫為《殭》特設人氣女神選舉，候選女神之一的Grace認為宣傳效用最要緊，不介意排名，同場的賴慰玲則自嘲「發展中女神」呼籲大家支持，至於陳嘉寶暫時以最多「like」居榜首。
文：影視組
攝影：張福宏