酸馬國明被受落 洪永城：我詩詠都襯！

藝人洪永城（Tony）與蔡思貝等昨日出席慈善跑活動，Tony笑言明年有意與女友唐詩詠參賽，提到詩詠於無綫節目《有乜好過去Camping》被指升Cup，他笑言女友身形一直冇變，但談到網民指詩詠與馬國明相襯？他即說：「我同佢都幾襯o架，希望網民都睇到。」Tony笑稱可以開拍節目《有乜好過去Running》，當蔡思貝問他是否一起做主持時，Tony即請食檸檬：「梗係我同唐詩詠做啦！」蔡思貝說：「所以話我同洪永城傳緋聞係冇可能，佢只會拒絕我！」問蔡思貝明年會否找緋聞男友麥秋成拍檔參賽？她笑言想挑戰個人項目。