張秀文讓露 莊思敏中門突圍

藝人莊思敏、張秀文、郭嘉文及傅嘉莉等昨日在佐敦出席無綫明珠台節目《Top Gear》活動，可說是4月17日將軍澳電視城「咪神爭霸」的城外版！惟當晚真空Deep V壓陣的張秀文在完勝後明顯於昨日跌Watt，終被「中門突圍」的莊思敏成功收復失地反敗為勝，而同場的傅嘉莉亦毫不吝嗇展現「胸洞」性感。難怪應屆港姐季軍郭嘉文都被「Big」自嘲：「佢哋係model級身材，天生係唔同嘅！自己比較甜美、可愛啲。」

不介意破產男

雖然秀文昨日未夠「胸狠」，不過她與前經理人仇耀斌（Victor）的緋聞成為焦點之一。然而秀文繼續否認，即使搬至Victor同住的屋苑仍然堅稱對方為好鄰居，屬啱傾朋友兼保母車司機：「佢出架車都話係為人民服務，有時要去遠啲嘅地方，搭車好麻煩佢都會車我，當佢係保母車，我有畀番油錢隧道錢。」更表示也可接受算曾破產的男士：「一個人嘅過去係過去，我認呢個人同佢相處係呢一刻嘅佢，我鍾意嘅係依家嘅佢。」惟她現時會以工作為先，感情隨緣。

莊思敏（中）中門大開，於昨日的活動上輕易勝出。

傅嘉莉胸前開了誘惑的洞，令人想入非非。

而莊思敏則認為「有車牌」是做男友的基本條件：「我鍾意玩車同遊車河，如果男朋友冇車牌，咁我咪成日要做司機？」

文：影視組

攝：黎志輝