心悠覓「煮」家男生B

藝人劉心悠最近為奇華嫁喜禮餅拍攝新一輯廣告，昨日她與型男Adam在旺角出席記者會，兩人除大跳華爾茲外，又攬到實、面貼面玩遊戲，心悠更害羞得面紅紅。自言單身的心悠在工作上經常與靚仔合作，可惜一直未有再進一步，她笑說：「可能感觀麻痹咗，覺得見到靚仔係好自然嘅事。（有冇撻着？）冇，好多對手都結咗婚。（要求高？）唔係，外表唔重要，鍾意型格或者有才能，好似識煮嘢食。」問可有想過生BB？心悠說：「如果真係冇結婚、冇拖拍，將來會考慮領養BB。（唔結婚都可以生！）不過希望遇到個同我生嘅人，睇緣分啦。」