莊端兒為事業 狠飛張致恒

現年34歲的前珠寶小姐莊端兒，早前簽約諸葛紫岐旗下，昨日傳出她為事業狠飛拍拖兩年的男友張致恒（Steven）。有指Steven非常黐身，對女友行性感有所微言，莊端兒為免事業受阻，故主動提分手。莊端兒昨日在電話中，一聽分手兩字，即大叫一聲表示倒瀉嘢收線，事後再回覆謂：「唔好問啦，我想專心工作。（轉地下情？）唔係地下情，想專心工作。」對於分手一事，Steven則平淡表示：「感情係兩個人嘅事，唔需要講喇。」再追問時他以開工為由收線。至於莊端兒老闆諸葛紫岐昨表示正在飛機上，只匆匆回應：「佢無詳細同我講，好似係分手。」