八両金於1999年與八両菜離婚後，便與兒子「八両仔」葉小霆相依為命。兩父子的冬菇頭更一度成「標記」，不過近年「八両仔」已改Look束起長髮。前晚葉小霆再以新Look示人，將束起頭髮散落，塊面仲搽咗粉底，外形相當女性化。
八両金對於兒子留長髮，坦言不太喜歡：「佢初初留，我係咁鬧佢，叫佢剪頭髮，之後佢講清楚畀我知佢想留，咪由佢，只要唔好做壞事，做老竇點都支持。（好似化咗妝？）應該冇，唔知點解次次影相都咁白，我都好奇怪。」
