孫儀凌奉旨抽何浩文水

《鴨王》男主角何浩文（Dominic）早前與「特約小花」孫儀凌（Elise）合演新劇《賭城群英會》，Elise於劇中要姣溝Dominic。她說：「劇情講Dominic係我教練，我好冧佢，不斷嗲佢、想索佢油，所以用盡方法同佢有身體接觸，又借故摸佢、掂佢胸，又要佢攬我、摸我腰，都有幾多身體接觸。我哋係第一次合作，我覺得佢都幾細心，好有男士風度，會幫我拎啲器械，好體貼女仔。可能佢拍過《鴨王》，對拍攝親熱戲比較自如，佢handle到成件事，令氣氛好輕鬆，我都冇尷尬，不過我私下唔會好似個角色咁飛擒大咬、咁主動。」