王浩信恨穿越搵初戀唔怕老婆鬧？

藝人王浩信憑無綫劇集《EU超時任務》中「渠頭」一角，令觀眾留下深刻印象，其「圍頭話」口音更引來全城模仿。對浩信而言，演員的目標並非獎項上的認可，而是流芳百世的喜悅：「一個好作品可以流傳好遠，價值遠過獎項！」

變「水泡」呻後悔
劇中穿越時空的劇情令浩信自覺思覺失調：「同一個環境，三百種唔同嘅做法。」但他仍被深深吸引，假設能回到過去，他希望重返中學時代重拾初戀，再譜浪漫戀曲，他說：「我曾經好深愛一個同學，嗰個同學開頭都好鍾意我。」浩信後悔未有及早表白，以致「愛人」投進他人懷抱，淪為「水泡」的他感情受挫，即使二人其後情投意合，戀情亦不過七天大限：「我覺得喺小朋友嘅時候，初戀係好重要，所以我覺得我嘅人生係爭啲嘢！但當然我依家覺得好美滿啦，唔會再喺度緬懷。」

浩信亦希望回到入行之初，好好珍惜自己的幸運，把握機會學習更多。

享受做主角

提到去年痛失男配角獎，他讚得主韋家雄實至名歸，即使現已躍升男主角之列，他仍謙虛地自認「初哥」，享受每個演出：「做配角定主角都好，我都會當自己係主角咁做，因為喺戲劇世界入面，我係一個獨立生命，只會focus喺自己個角色嘅生命。」

文：影視組

攝：劉智源

服裝：CHEVIGNON

場地提供：IKI Teppanyaki Bento