張秀文曖昧叫人追
藝人張秀文昨日於銅鑼灣出席航空公司活動，獲大會贈送80萬積分以換取免費機票，她開心表示夠請廿人去旅行，至於可會介意請男友？她認為冇所謂，因去旅行是一種享受，想齊齊開心！
不過秀文覺得一班人去旅行比二人世界開心，至於她的緋聞男友，TVB經理人Victor聽到會否不開心？她再三澄清緋聞說：「已經否認咗o架啦，我單身！」
目前仍未有男友的秀文，指若朋友追求她就要積極：「曖昧嗰吓係刺激，但太長時間會好攰。（以前有經驗？）有，試過有朋友以為我同個男仔一齊，但個男仔冇表示。（無疾而終？）係，仲有少少嬲佢！」