何猷啟撐超雲大把本錢唔憂嫁
賭王三房兒子何猷啟昨日出席活動時，表示與兩位胞姐超雲及超蓮均單身，更讚家姐們大有本錢，不愁沒對象，毋須急於拍拖。
賭王三房兒子何猷啟昨日以東華總理身份，出席仁濟醫院董事局交代就職典禮。他坦言擔任總理後更見忙碌，但未有影響工作。問到是否少了時間拍拖？他表示：「我向來專心工作，冇乜時間拍拖。」猷啟自言與兩位胞姐何超雲及何超蓮一樣單身，不心急拍拖：「順其自然。（家姐有本錢唔使急？）大把啦！佢兩個都唔急，慢慢睇定先。」
無理炒作心情差
提到超雲被指有意翻撻舊愛陳山聰，他力撐家姐謂：「唔關佢事，啲人攞嚟寫，佢冇呢個意思，但寫到翻兜咁。（佢有唔開心？）畀人冤枉，實有少少。（點支持佢？）叫佢快啲搵番個，唔好投放咁多精神去之前發生嘅嘢度。（係咪家姐要求高？）佢有咩要求你問佢本人，我唔知。我唔係負責幫佢搵，但呢啲嘢急唔嚟。」
同場仁濟總理王賢訊表示太太還有九天便分娩，將榮升第三任爸爸的他心情緊張：「擇咗日子開刀生，BB好足磅，預計會超過9磅，第三胎佗得最耐，BB最大隻。（再生？）唔生喇，會封肚。」藝人何傲兒專誠出席支持老闆林建名女兒林煒珊，讚對方過去一年親力親為參與慈善，自己亦想多做慈善回饋社會。
陳山聰親認同居
此外，近日爆出新戀情的超雲舊愛陳山聰昨日出席活動時，大方接受記者祝賀：「多謝，好想保護身邊家人同朋友。希望各位高抬貴手，追訪番我，佢係個普通女仔。（驚嚇親女友Apple？）驚呀，畀啲空間我哋。」他又直認與女友已見家長及同居。提及猷啟指超雲因被指翻撻而不開心，山聰稱不回應。問到拍拖有否告訴超雲？他稱不想影響其他人，表示與舊愛仍是朋友。
文：名人組