《十年》爭議秋生：唔滿意自己搞 黃百鳴：頒最佳編劇囉！

黃秋生昨日以戲劇界主席身份出席第十屆華文戲劇節，提到香港電影金像獎最佳電影《十年》惹爭議，他說：「件事有好多情緒原因，睇番啲評委試過有進步就畀個獎人，例如有人考開第尾，突然考廿八，都畀！有啲就見某個人就死，頒畀佢。（有人話要改機制？）個個制度都有不足，如果一千人中有三、五個話要改，其他九百幾個唔肯，嗰五個自己搞個獎！我成日都左手頒右手，畀自己做影帝！覺得機制有咩不足就提出、開會，謾罵冇用，否則就好似維園阿伯同天橋底打小人！」