亞視頭七A記同學開心大解放

亞視熄機「頭七」，前員工昨晚在尖沙咀舉行「A記同學會」聚會，筵開逾40席，出席者包括江美儀、蔡國威、朱慧珊、顏子菲、劉錫賢、陳煒等，沒有到場的杜汶澤與黃美芬各自拿出一萬元抽獎，江美儀與劉錫賢亦備現金贈興，現場氣氛愉快。

盼優先聘亞視員工

大會今年特別製作紀念徽章，江美儀表示：「徽章特登紀念今年，係A記同學會出錢整，整咗六百個，人人有份。（撞正亞視熄機『頭七』？）冇諗到，今晚當係食餐勁嘅，今年大約有五百人，比往年多人，每年嚟飯局好似返娘家咁，見番啲兄弟姊妹。（亞視熄機有冇感觸？）都有啲感觸，不過聚會每年都會搞，今晚飯局都唔關亞視嘅事，可能在職同事感受會深啲。（熄機好啲？）應該好啲，唔使再留戀，之後請番係另一件事，但係欠人嘅錢要還咗先。見到有電視台廣告請人，希望僱主優先考慮亞視員工，佢哋不離不棄，去邊度搵呢？」

江美儀（左）一見朱慧珊，即輕攬對方合照，之後又展示A記同學會出錢整的紀念徽章。	放大圖片	劉錫賢（左）與蔡國威指飲局撞正「頭七」純屬巧合。

蔡國威：互相勉勵

蔡國威表示最期待五百人大合照，問到亞視熄機可有感慨？他說：「我視飯局係一個新開始，件事完咗就完咗，食飯應該互相勉勵。（亞視『頭七』喎！）安排嘅同事冇諗過，要約齊五百人好困難，『頭七』係巧合啫。」

現為「無綫人」的陳煒亦有出席飯局。

顏子菲以愉快心情飲「解穢酒」。

問劉錫賢籌辦的亞視追討欠薪大聯盟進展如何？他說：「已經收到宣傳效果，有議員幫手，亦會幫同事搵工。（點睇亞視13日清盤上庭？）好難講，唔知王征點搞。有大聯盟同事申請咗法援向亞視申請破產，13日我哋都會去高院聲援。」

文：影視組