岑麗香另有男神驚Honey嬲豬

藝人岑麗香（香香）、陶大宇與陳婉衡等，昨日錄影無綫節目《男人食堂》，期間香香分享了心目中的男神人選，大讚三哥苗僑偉有男人味及靚仔，更直言想與他演對手戲：「有次佢話想演我Daddy，我都好樂意！」不過，她又怕圈外男友強強呷醋，故搞笑地隔空交代：「我覺得三哥係男神，但又唔係愛上佢，我都要交代，好大壓力！」問到有否獲男友稱讚為「女神」，她自爆二人互相稱讚：「都有嘅。（你讚番佢男神？）一定要啦！」