孫儀凌踩入樂壇挑戰自己
「特約小花」孫儀凌（Elise），早前計劃踩入樂壇做新丁，無懼難度，並向自己作出挑戰，她說：「我都知道依家做音樂個市場都幾困難，但我曾經學過聲樂訓練，加上我相信只要比別人加倍努力，我都總會有成功嘅一日！我早排做咗隻普通話新歌，雖然過程中經歷咗唔少困難，但都學到好多嘢，近排都接到一啲邀請，請我返內地出席活動，主辦單位知道我有心想向樂壇試試實力，都想我喺活動唱埋歌，我都吸取咗好多好寶貴嘅踩台經驗，雖然做歌手嘅路係辛苦，但再辛苦我都唔怕，只要過程充實，點苦都係值得嘅！」
Elise又謂做演員可以讓她更用心地體會人生，她說：「除咗唱歌，我都好喜歡做演員，近排都參與咗好多無綫劇，雖然唔算係好重要角色，但我會趁呢段時間不斷學習，觀眾多啲，同聽多啲片場內唔同人士嘅意見，增值自己，希望有朝一日獲派較重戲份嘅角色時，都會應付得游刃有餘。」
PROFILE
出生：1988年3月10日
身高：1米66
三圍：32、22、33
學歷：時裝設計文憑