朱千雪穿盔甲被嘲着貞操帶

性感只係幻象

遊戲時眾人蒙眼為千雪穿盔甲，單立文取笑她說：「乜着到好似貞操帶咁o架，着好啲得唔得？」在劇中疑似「動L」的戴耀明則成為被玩對象，被取笑是「動L明」。

劇中千雪的緊身衫、Zoie疑似凸點及劉佩玥的校服look成為網民熱話，千雪說：「幻覺嚟啫！我哋三個都唔係行性感路線，相信譚凱琪有打底，幻象嚟！最緊要觀眾留意套劇。」而劉佩玥則說：「個校服look係劇情需要，都幾有趣吖，不過條校服裙都幾短，所以拍攝時都要做足安全措施，防止走光。」即將與陳瀅去旅行的她表示，計劃一個長旅行作「二人世界」，陳瀅男友何猷亨會同行？劉佩玥說：「係我同佢兩個二人世界，冇其他人可以介入，女仔有女仔去玩。（做電燈膽？）係佢叫我陪佢行街，我都有問佢唔使陪人咩？佢話唔使，要我陪，佢重視我多啲，唔會重色輕友！」

條褲太闊似摃起

劇中播出Zoie與戴耀明的酒吧戲，戴耀明似乎受不了Zoie誘惑「動L」激凸成為網民熱話，昨日被玩的他笑說：「今日冇Zoie，我『兄弟』都唔知縮咗去邊，我係講王浩信、楊潮凱唔知去咗邊。」

單立文取笑朱千雪穿盔甲像穿貞操帶。	戴耀明解釋沒有「動L」。	單立文（右）、袁偉豪（左）分別抱起劉佩玥及朱千雪。

之後他又說：「印象中好似冇，可能係條褲太闊，角度問題所以先摃起上嚟。（Zoie係咪你女神類型？）佢係大眾女神，但我又未至於咁瘋狂。嗰日拍酒吧戲，飲少少酒，感覺可能free啲。」

文：影視組