游學修葡萄蘇麗珊入圍
影壇新人游學修、蘇麗珊、吳肇軒及導演黃修平昨日在銅鑼灣出席簽名活動，今屆電影金像獎舉行在即，有份角逐新人獎的蘇麗珊坦言平常心：「唔緊張，冇期望，機會唔係好大。（睇好邊個？）春夏同白只。」其男友游學修則笑說：「唔使安慰佢，因為情況喺金馬獎佢已經歷過。」
問蘇麗珊是否覺得面對兩名強敵，自己生不逢時？她說：「咁大家演得好先入到圍。」游學修即「葡萄」說：「入唔到圍就做得唔好？我都係今年新人喎，入唔到圍就生不逢時喇！」是否寄望日後再有提名？游學修說：「最緊要有工開，搵到食先，過去一年淨係拍得兩套戲，好彩我有其他網絡工作做。」