方力申拒信鄧麗欣轉性向
剛宣布與女友鄧麗欣（Stephy）分手的藝人方力申，昨晚出席活動被問到有否留意Stephy回港解說分手理由時數度落淚？他說：「我有睇，（佢話復合係天意？）我都係咁講，咩都有可能，（會唔會盡力解決問題？）之前我哋講過公開件事，係諗清諗楚，唔係兒戲決定，將來嘅事將來決定。（知唔知粉絲聯署去白宮要求你哋復合？）我知，好難唔去諗呢件事，我哋太多嘢黏埋一齊，唔係話唔見就唔見，我哋感情會有好多，大家暫時揀咗唔同方向，我哋都覺得可惜！」
有指Stephy轉性取向，小方不願評論Stephy的「好友」小牛：「我梗係唔信，咁即係話我唔夠吸引，（你識唔識佢？）我唔識佢。」同場的歌手蔡卓妍謂未有時間安慰好友方力申，但認為感情事是兩個人的事，旁觀者不應加插意見，會否介紹女孩給小方認識？她笑說：「佢介紹男仔畀我識，互相交換。」
