青雲做金像司儀玩人格分裂

擔任司儀的劉青雲自言不會在台上向太太郭藹明發表愛的宣言。

影星劉青雲、錢嘉樂和香港電影金像獎協會主席爾冬陞等昨日在文化中心出席「第三十五屆香港電影金像獎頒獎典禮」拜神儀式。頒獎禮當晚擔任司儀的青雲準備得七七八八，正進入綵排階段，更笑言屆時爆肚也沒有人知：「但緊張o架 ，嚟咁多年都係坐喺下面，好少上去。」有否在家中叫老婆郭藹明幫手對稿？堅稱沒有的他指背長稿難度不大：「但咁多人睇住就有難度，我呼籲啲觀眾唔好望住我。」更笑言屆時會當自己是演戲：「希望當到啦！」

唔講愛的宣言

談到主持環節中特別之處，青雲表示當晚一開始會在台上獨自以多個不同的自己去面對自己，似足人格分裂：「好似24個比利！」問他會否大騷幽默本色？他謂：「我有幾多幽默大家都知，唔好玩啦！」又笑指今次做主持不會向老婆郭藹明講愛的宣言，但會在台上分享自己對頒獎禮的感受，亦希望多留時間給得獎者講感言。講到今屆影帝競爭激烈，自言沒有留意的他即自嘲：「咁咪好，又少咗個人陪跑呢！」又指自己因要背稿，故未有時間看畢所有入圍電影。

青雲（右二）和爾冬陞（右三）等出席拜神儀式。

爾冬陞（右）和錢嘉樂甫見面即攬頭攬頸。

同場的爾冬陞表示不擔心青雲屆時的表現，雖然始終會緊張，但準備時間充足，加上莊文強帶領的創作小組協助，相信青雲會應付到。

文：影視組