劉心悠露小蠻腰柏豪林德信忍唔住咀

藝人周柏豪、劉心悠、林德信及蔡潔等前晚到旺角出席首映，心悠罕有公開露纖腰，她受訪時笑言不習慣：「覺得好清涼，今次都算係第一次。（想露腹肌？）之前比較明顯，因為呢排飛得多，少時間練，依家要練番。（幾耐？）如果配合飲食，兩個星期左右。（自己鍾意咁打扮？）其實都要新嘗試！」聽到心悠的飲食習慣，柏豪忍不住爆對方食得清：「我見到佢淨係食雞肉同菜，初頭我都偷佢啲雞肉食，慢慢我都開始唔理佢，自己去食飯。（你點減？）我去跑步囉！」