肥媽自誇胸大有機奶餵仔

肥媽一連兩場告別演唱會《肥媽友誼長存30周年演唱會》前晚於紅館開鑼，吸引薛家燕及導演劉偉強捧場，肥媽的外籍老公負責打鼓，邀得15位藝人歌手任嘉賓，包括草蜢、巫啟賢、阮兆祥、盧海鵬、羅敏莊及黑妹等。

拍陸浩明屁股

穿閃銀闊長裙出場的肥媽解釋為何不再唱歌：「之前唱咗30年，失去仔仔女女成長，所以依家想睇啲孫成長。」期間兩度拍打「阿仔」陸浩明屁股，又取笑他的西裝似紅白藍袋。

羅敏莊谷胸撐肥媽。	阮兆祥（右）和盧海鵬（中）與肥媽一起搞笑。	肥媽獲兒子及孫兒獻花，令她非常感動。

肥媽提到過去拍過不少電影，大銀幕即播出她演過的電影片段，看到自己在電影《合家歡》以低胸裝示人，肥媽笑說：「我嗰時好索，着Deep V，個胸由頭到尾都係真。」她又提到在《大丈夫》分別與曾志偉父子咀嘴：「志偉個嘴『鞋』啲，佢個仔就幼滑啲，後生即係後生。」

陸浩明被肥媽打屁股。	陸浩明	草蜢與肥媽合唱《將冰山劈開》。

黑妹及羅敏莊以谷胸裝亮相，肥媽取笑兩人鬥胸勁，而肥媽與歌迷握手時不慎跌了手上鑽戒，並淡定說：「我跌咗戒指，得(口架)喇，啲人會執番畀我。」

盧海鵬「試咪」

之後阮兆祥以肥媽的造型上台，他表示與肥媽是孖妹組合，並以「肥媽初戀情人」介紹盧海鵬出場，盧海鵬一上台即「試咪」：「你X母！」肥媽唱到《媽媽I Love You》時數度落淚，其孫仔又上台獻花。

草蜢就與肥媽合唱《將冰山劈開》，蔡一智笑指肥媽胸襟廣闊，肥媽抵死說：「我個胸一向大，我啲仔冇三聚氰胺，係Organic（有機）。」

文：音樂組