柔軟啫喱吹彈動人

情色俚語：Jelly-Roll 神秘之地

「Jelly-Roll」又可以寫成「Jellyroll」，咪以為係指食得嘅啫喱卷，喺情色俚語中，佢有幾個唔同嘅意思，一個係指蜜洞，喺20年代就已經有人用嚟稱呼女性嘅神秘地方，不過隨住時間推移，家陣就用嚟形容男性嘅如意棒，原因係呢個部位既彈性十足又能夠令女士甜到入心。另一個意思係解做曳曳，日後伴侶同你講話今晚嚟個「Jelly-Roll」，就知道做乜啦！此外，佢亦解作情婦，唔知係咪因為情婦特別令男人動心，就好似啫喱咁吸引呢？最後一個解釋就係指一個非常理想嘅性伴侶。不過話時話，一個俚語有咁多個唔同解釋，真係好易搞錯呀！

玩樂辭典：Jelly Boy 情趣棒棒

當大家見到「Jelly Boy」時，咪以為解做啫喱男孩咁天真，其實佢係指令女士興奮無比嘅情趣玩具，即係自娛棒棒，之所以得到呢種稱呼，因為棒棒嘅質料猶如啫喱般柔軟且富彈性，而喺英文中經常意用「Boy」嚟稱呼女性恩物。至於呢類棒棒嘅英文係Dildo，而作為情趣玩具嘅佢，並非近年先至出現嘅產品，早喺古埃及時代，就已經有用泥土同木造成嘅如意棒。另外，中國亦有文獻記載呢種棒棒，喺清明朝間嘅色情小說就以「角先生」或「人事」稱呼棒棒，多為陶瓷或木所製成。

美國四仔系列：Jill Kelly 啫喱甜心

四仔界有個令男士神魂顛倒嘅啫喱甜心，佢就係外號Jelly嘅Jill Kelly。喺1971年2月1日出生嘅佢，早喺1991年出道參與電影演出，其後於1993年投身四仔界。雖然佢今年已經45歲，但憑住一對37DD巨乳仍然喺四仔界極具人氣，至今演出超過552套四仔，當中有50套作品由佢執導，並且喺多個四仔頒獎禮中獲獎，當中分別喺1996年同1997年嘅AVN頒獎禮中獲得最佳全女性性愛場景獎，喺1998年於XRCO頒獎禮中獲得年度最佳脫星大獎，喺1999年於AVN頒獎禮中獲得最佳雙人性愛場景獎，同年又喺NightMoves頒獎禮中榮獲最佳脫星大獎，及至2003年入選AVN嘅名人堂等。憑住佢喺四仔界嘅人氣同經驗，喺1998年成立四仔製作公司Jill Kelly Productions，可惜經營不善，最後公司宣布破產。

日本AV系列：啫喱水 銷魂體驗

相信日本AV迷都會見過啫喱水或化妝水嘅情趣道具，日文叫做「ラブローション」（Love Lotion）或「潤滑ゼリー」，佢係一種潤滑劑，呈透明狀，具有極高黏稠性，唔容易揮發，亦唔易乾，就算完事後仍然咁水潤。呢種啫喱水除咗具有潤滑作用外，之所以咁得AV導演喜愛，係因為佢具有增強光影嘅效果，將佢搽喺女優身上之後「令立立」，睇起嚟更加養眼，尤其係淋喺重要部位時，極具挑逗性。

撰文：魂