Bob發咗達引陳嘉桓色誘
林盛斌（Bob）「升呢」做電影男主角，由他主演新片《我要發達》前日開鏡，並拍攝相關宣傳短片。一身大叔打扮的Bob站立尖沙咀街頭咆哮大叫「我要發達」，並呼籲途人加入，嚇得不知情的粉絲呆立當場！長約15秒的宣傳短片昨晚於網上瘋傳，Bob接受電話訪問笑說：「嗰Take都拍咗十次八次，導演葉念琛先收貨。第一次做男主角難免有啲緊張，自己畀自己壓力，埋位時好彩葉導教我點樣投入，終於順利完成。」
Bob戲中扮演一個市井人物，備受家庭壓力，但因中六合彩而發生連串故事：「葉導叫我去睇類似《雞同鴨講》嘅舊片做功課先，戲裏面仲交代陳嘉桓知道我中咗六合彩，即刻嚟色誘我，一開工即刻拍！（咁好艷福？）佢好專業，大家都係製造喜劇效果啫！（加片酬？）有得做男主角喎！唔講錢啦！」
