馬嘉均上載咀面相引粉絲過檔

藝人邱美薇（Chelffy）與唱作歌手馬嘉均（Mason）昨日出席「香港婚紗暨海外婚禮博覽2016」。Chelffy任模特兒打頭陣及壓軸行騷，而Mason在完場時自彈自唱表演，似足真情侶。首次以情侶檔工作的兩人，屬多年好友。Mason透露完騷入後台時見到一眾模特兒在更衣，坦言感尷尬：「一入到去見到有啲肉色人！（面紅？）忍住，唔可以咁大反應，我好想嗌，但諗諗吓應該嗌嘅係佢哋！不過佢哋係專業嘅。」Chelffy指自己是新手模特兒，Mason笑言：「入嚟冇見你換衫嘅？」Chelffy即笑言：「你就想！」問到二人會否有發展機會？Mason回應：「我哋friend過打band，薇薇都好鍾意音樂，可能喺音樂上會有合作。」對於早前在社交網上載咀面相，激嬲Chelffy粉絲，她表示：「我多咗粉絲，應該係你嗰啲過咗我度！」