黃貫中（Paul）昨日現身電台宣傳新歌《我有分數》，他表示一直都想寫歌給囡囡，久未起筆深感內疚：「有一晚我去問佢寫首歌畀你好唔好，佢話我都寫咗首歌畀你，仲唱埋畀我聽，雖然成首歌得一句歌詞就係『士多啤梨』，但係我聽過最好聽嘅士多啤梨。」他指囡囡最愛聽Beatles，有次老婆朱茵帶女探班更度身為囡囡唱了一首歌：「佢嗰次第一次聽Live好開心，4月開騷佢媽咪都應該會帶佢嚟。」
