出書分享爛Gag為氹觀眾嬲都照做
盧大偉生前以帶給觀眾無限歡樂為己任，曾透露在床頭放下筆記簿，以防隨時想起或發夢時夢到搞笑事時可以記下來：「太太最驚我瞓覺喺度笑，因為唔知我笑乜！」他曾推出笑話集《爛GAG齒祖盧大偉》，反應甚佳下再推出第二集，當中有不少啜核爛Gag，包括「拉甚麼可以增加學識？（Library）」及「甚麼毛是最正常？（Normal）」。好友鄧英敏昨日帶着對方的舊作接受訪問，指盧太已交託後事給丁羽處理，並感嘆要珍惜眼前人。
曾為《歡樂今宵》編劇、現為英皇高層的吳雨自言未入行時已看盧大偉的演出：「佢好好笑！有次一齊搭飛機，飛機餐有牛扒，佢同空姐講『Very Shoe』，原來係話牛扒好『鞋』！又試過要佢扮十兄弟嘅大口九，紮孖辮着肚兜行街，佢本來都嬲，都為觀眾都豁出去！」《歡》拍檔林建明則指最後一次見盧大偉是去年的演藝人協會派對：「當年我哋成日互相整蠱，有次盧海鵬成兜意粉擲落佢塊面，點知佢嬲，但又直播緊唔發得脾氣，但轉頭就冇嘢！」