名人：朱千雪大把筍盤 主動出擊
幸福未必是唾手可得，主動爭取更來得珍貴，這是無綫小花朱千雪對感情的態度。惟問到她會否考慮其緋聞男友兼城中「筍盤」馬國明時，她則重申兩人是好朋友關係，並直言單身「筍盤」多的是！
無綫小花朱千雪（Tracy）於2012年參選港姐時已被封為「女神」，去年她更毅然請假一年重返校園，報讀香港中文大學企業傳播管理碩士課程，令她舉手投足更具書卷氣質！她在最新一期《好報》專訪提到自己近年已愈來愈open，會抱開放態度結識異性，她坦言拍拖講緣分，要自己爭取幸福，並直指揀老公有5大條件：「第一係鍾意食嘢，第二係畀到我安全感，第三要係個有幽默感嘅人，最後就細心同埋顧家。」
圈外人都啱
圈中黃金「筍盤」馬國明可謂完全符合！Tracy雖大讚對方是好男人，但對兩人發展則狠心落閘：「唔好再講馬國明喇，都講咗好多年，我哋只係好朋友、好同事。如果將來有圈外人向我示好都會考慮，總之我嘅另一半唔會局限於圈內人定圈外人。」又笑言城中有大把「筍盤」！
否認係港女
對於有指時下女性當中有不少港女，朱千雪笑言自己並非港女一名，她表示：「我反而希望另一半會畀到多啲意見我，等我唔使諗咁多。」又謂自己不是小鳥依人的女人。
文：專案組
服裝：Cecilia Yau