阿Sa派助手搶花球

國際樂壇天后麥當娜於澳門開騷，歌手蔡卓妍與古巨基昨晚亦有撐場，受訪時異口同聲指從未睇過她的個唱，阿Sa說：「之前都想去其他地方睇，但澳門呢度實在太吸引，感覺近啲嘛！（想接娜姐花球？）今日難少少，因為有好多粉絲，交畀助手啦！佢好鍾意麥當娜，知道都有好多巨星嚟，我都好興奮，佢真係一個傳奇。」問到喜歡麥當娜哪首名曲？兩人齊齊選《Material Girl》，古巨基聞言即取笑阿Sa：「首歌係我年代，咩你都Like？」阿Sa卻得戚地說：「我方方面都人細鬼大！」而名媛薛芷倫與台灣女星吳辰君亦親自到澳門睇騷，齊齊留言指能一睹麥當娜的演出感興奮。