關淑怡無限性感聯合國男友助陣

為慶祝入行25周年的天后關淑怡（Shirley）將於4月23日假紅館舉行《The Best Of Shirley Kwan 25 Live關淑怡演唱會》，昨日她出席個唱記者會時，以一身超deep V的裝扮現身，十分性感！問到演唱會服裝是否亦同樣性感？她說：「舞台效果就一定有囉。（更性感？）唔知呢，會啩，等我經理人嗰邊負責，我好相信佢哋，佢哋識就o架喇。」身旁的經理人就笑言服裝的性感程度無極限，Shirley即說：「佢話乜就乜啦。」

唔介意貼身舞

她又透露這次將邀請不同國家的男舞蹈員助陣，如西班牙、俄羅斯等，問到會否挑選靚仔或身形大隻的舞蹈員？她笑說：「我覺得靚仔個個都鍾意o既，同埋跳舞o既話，身材同舞蹈方面都一定有基本要求。（跳貼身舞？）唔知呢，睇安排，最緊要係concept OK。」

問到男朋友可會到場支持？Shirley即笑說：「我男朋友好多o架喎，有西班牙、LA，聯合國，我啲dancers都係我男朋友，睇你點定義，我boy friend（男性朋友）好多。」又指囝囝亦是她的男朋友：「佢係最大嗰個，佢話晒事。」

關淑怡指愛聽英文歌的兒子不愛聽她的歌。

關淑怡在2013年的演唱會亦有性感上陣。

囝囝唔係歌迷

談到揀歌方面，Shirley表示一定會有不同年代的歌。至於囝囝可會點唱？她透露對方不會聽自己的歌：「佢並唔係我歌迷，佢鍾意聽嗰啲係依家年輕人鍾意聽嘅英文歌，我練歌o既時候唱畀佢聽佢會擰晒頭。」

提到有指這是她最後一個演唱會，Shirley坦言每次演出都當是最後一次：「我係抱住呢個心態，我2013年都以為係最後一次，我覺得最緊要係盡自己本分。」

文：音樂組