樂壇頒獎禮都在每年的年尾及年頭舉行，亦是歌手派發成績表的緊張時刻，早前舉行的《新城勁爆頒獎禮2015》，每位出席的女歌手都盛裝打扮上陣，既尊重場合，又希望成為攝影師的搶眼目標！時裝作家Janice Wong大讚擸四個獎項的歌手謝安琪（Kay）穿出春日氣息，看得出花盡心思裝備自己，女神果然是女神！
「睇得出佢花心思打扮，條裙印有pastel colour花朵圖案，應該好有春日氣息同輕盈感，但係accessories方面用多咗，戴得太多heavy首飾，雖然搶眼，但平衡番就要減少數量。」
「好普通，欠缺星味，好似街上嘅女仔一樣，依家年輕一代新潮大膽，時尚觸覺強，似街上嘅女仔對明星嚟講唔係好處。」
「感覺好累贅，連身褲係70年代流行褲款，阿拉伯泡泡褲，但呢條褲嘅cutting唔靚，佢本身唔算好矮，依家顯得對腳好短，加上星際print太卡通，唔夠高級時尚。」
「造型趨向潮人look，但化妝、髮型普通唔夠搶眼，做明星就係需要喺『上位期』突出自己，令觀眾留下深刻印象，佢應該要有番自己嘅特色。」
「幾何圖案係時下流行元素，好有民族色彩，下身唔應該配搭斯文高跟鞋，換上boots反而更型格。黃皮膚人好難carry泥土色服裝，加上條裙同髮型搭配唔match，髮型若轉紮辮子髻，更能演繹出時尚民族風味。」
「好得體，佢以一貫性感貴婦look示人，唔突出，但合乎佢角色，唔會特別打扮到好花枝招展，反而以一個平常心去領獎，又尊重大會場合。」
「配搭錯咗，條裙係傳統晚裝裙，入面着件長袖打底好奇怪，如果換上透視薄紗，效果冇咁實，會好啲。條裙設計簡約，可以喺領邊掛幾個閃石心口針，令裙子更生色。」
王麗儀（Janice Wong）
時裝作家，是十六年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也讚譽她為「香港首位真正的時裝權威」及「時裝文化人」。