羅霖自爆有對象今年隨時嫁
「美魔女」羅霖去年宣布成為歌手及推出一首合唱歌，她表示因身兼多職，往後只以兼職形式唱歌，最重要是留多點時間發展感情，並大爆已有適合的人出現，揚言若不夠時間培養感情，不排除今年會閃婚，更透露男方現等待自己的答覆。
羅霖（Candy）和歌手馬嘉均昨日出席自家攝影相集慈善版發布會，當中還收錄了二人的合唱歌曲《姊弟愛》，齊齊行善！Candy開心表示攝影集自推出至今已售出逾五千本，還籌得八萬港元捐助有需要人士，極具意義。她續透露今年將較多北上工作，並有機會實現擔任美容學校校監的願望，又謂往後日子會由自己獨立管理工作。
冇時間培養感情
問到去年成為歌手的她會否再唱歌？她表示往後會以兼職形式當歌手：「兼職冇咁大壓力，最緊要係我要留番啲時間畀感情，如果時間唔夠嘅話，我分分鐘會閃婚o架，（囝囝同意？）OKo架，我同佢哋講過，啱嘅話就唔好嘥時間，冇時間培養感情，依家只要我應承。」又大爆已有適合的人出現，對方表明有跟自己結婚的意思：「佢要睇我O唔OK，（你ready嘅？）我要睇埋下半年先，如果閃就今年，希望啦！」問到有關男方的背景資料，她則不願透露。
獲馬嘉均寫歌撐
而馬嘉均則謂很榮幸可於Candy獨立發展前，與她合唱了一首歌：「我都諗住作一首歌畀佢，係講佢係女強人，照顧屋企之餘，仲保持得咁靚，希望佢今年繼續賺多啲。」
文：名人組