林盛斌身教女兒行善嗌Encore
藝人林盛斌（阿Bob）及黎芷珊出席《東方日報慈善基金》、《太陽報愛心基金》、《恒基溫暖工程基金》舉辦「愛心送暖顯關懷」活動，向長者送上愛心關懷，阿Bob期望東方報業下次再辦慈善活動，因為他想帶同三位寶貝女齊齊弘揚愛心。
《東方日報慈善基金》、《太陽報愛心基金》、《恒基溫暖工程基金》舉辦「愛心送暖顯關懷」活動，昨日於長沙灣招待長者及清貧家庭享用午膳，更向長者們贈送心意禮物包，林盛斌、黎芷珊及恒基兆業地產集團企業傳訊部總經理顏雪芳，與老友記們有講有笑，樂也融融，歡度了愉快的周六下午。
派禮物回饋長者
阿Bob表示享受與長者同樂，他說：「好多謝東方報業嘅邀請，見到長者們開心，我都受惠，長者好需要我哋尊敬同愛護，唔係佢哋嘅付出，唔會有今日嘅香港。我以前探訪過啲長者，佢哋會將活動禮物珍而重之，相信今日出席嘅長者都會好好保存。之前我帶過大女去探訪老人家，個女都有問：『啲公公鍾唔鍾意我哋送嘅禮物？』小朋友係會記得探訪過嘅長者，我另外兩個女未有機會做探訪，希望東方報業下次再舉辦呢類活動，我帶埋啲囡囡一齊參與咁有意義嘅活動！」
芷珊忙搞新節目
芷珊亦指獲益良多：「我鍾意同長者傾偈，畀到好開心嘅感覺我，佢哋思想好正面，佢哋嘅人生好值得學習，今日好多老人家濟濟一堂，現場又教長者做健康操，見到好多長者都玩得好開心，呢個活動好有意義！」此外，芷珊提到被調出《東張西望》，她說：「我呢輪都拍緊自己節目，未睇改革《東張》，新節目詳情要賣關子，新年我有個講風水節目，遲吓會為國際中華小姐做司儀，一路都好忙！」
文：影視組